إمتى وفين أرفض المرشح من غير ما أخسر سمعة الشركة؟

أكبر غلطة بيقع فيها الـ Recruiter هي الـ Ghosting أو إنك تسيب المرشح متعلق من غير رد. ده مش بس بيضايق الناس، ده بيدمر الـ Employer Branding بتاع شركتك على لينكد إن وفي وسط السوق. الرفض لازم يكون سريع ومهذب. لو المرشح مش مناسب من الأول (Screening/CV)، ابعت إيميل أوتوماتيك فوراً. أما لو عمل انترفيو وبذل مجهود وجالك الشركة، يبقى من حقه مكالمة تليفون أو إيميل شخصي يوضح سبب الرفض بلطف. بلاش جملة "We will keep your CV in our database" لو إنت مش ناوي تعمل كدة فعلاً. خليك صريح وقول إن الخبرات الحالية مش متطابقة مع متطلبات الوظيفة دي بالذات، وإنك بتتمناله التوفيق. الصراحة راحة، والناس بتحترم الشركة اللي بتقدر وقتهم. نصيحة من خبرة سنين: المرشح اللي بترفضه باحترام النهاردة، ممكن يكون مديرك أو عميل لشركتك بكرة، أو يرشحلك حد زميله شاطر. فحافظ دايماً على شعرة معاوية.